ଆଜି ଗଜପତି ଜିଲ୍ଲାରେ ଗଡିବ ଲକ୍ଷ୍ମୀ ବସ

ଗଜପତି: ରାଜ୍ୟର ବିକାଶରେ ସହଯୋଗ କରିବ ଲକ୍ଷ୍ମୀ। ବାଣିଜ୍ୟ ଓ ପରିବହନ କ୍ଷେତ୍ରରେ ଲୋକଙ୍କ ନିକଟରେ ଧନଲକ୍ଷ୍ମୀ ପହଞ୍ଚାଇବ ରାଜ୍ୟ ସରକାରଙ୍କ ଲକ୍ଷ୍ମୀ ଯୋଜନା। ଗଜପତି ଜିଲ୍ଲାରେ ଗଡ଼ିବ ଲକ୍ଷ୍ମୀ ଯୋଜନାର ବସ। ଭର୍ଚୁଆଲ ମାଧ୍ୟମରେ ଏହାର ଶୁଭାରମ୍ଭ କରିବେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । କାର୍ଯ୍ୟକ୍ରମରେ ଯୋଗଦେବେ ରାଜ୍ୟ ପରିବହନ ମନ୍ତ୍ରୀ ଟୁକୁନୀ ସାହୁ।

ପ୍ରଥମ ପର୍ଯ୍ୟାୟରେ ଜିଲ୍ଲାକୁ ମୋଟ ୩୬ ଗୋଟି ବସ ଯୋଗାଇଛନ୍ତି ସରକାର। ଜିଲ୍ଲାର ସାତୋଟି ବ୍ଲକର ଉପାନ୍ତ ପଞ୍ଚାୟତ ଗୁଡ଼ିକରୁ ବ୍ଲକ ସଦର ମହକୁମାକୁ ଗଢ଼ିବ ଏହି ଲକ୍ଷ୍ମୀ ବସ। ଯାତାୟାତର ସୁବିଧା ପାଇବେ ଗ୍ରାମାଞ୍ଚଳର ଜନସାଧାରଣ। ବାଣିଜ୍ୟ ବ୍ୟବସାୟ ବୃଦ୍ଧି ପାଇବ। ସୁଗମ ହେବ ଗମନାଗମନ। ଏନେଇ ଚୁଡାନ୍ତ ହୋଇଛି ବସ ଗଢ଼ିବାର ରାସ୍ତା। ଜିଲ୍ଲାର ବିଭିନ୍ନ କୋଣରୁ ୧୫ ହଜାରରୁ ଉର୍ଦ୍ଧ୍ବ ଜନସାଧାରଣ ଏଥିରେ ଯୋଗ ଦେବେ ।