ଚଳନ୍ତା କାରରେ ନାବାଳିକାଙ୍କୁ ଦୁଷ୍କର୍ମ

ନୂଆଦିଲ୍ଲୀ: ରାଜଧାନୀ ଦିଲ୍ଲୀରେ ଚଳନ୍ତା କାର୍‌ରେ ଜଣେ ନାବାଳିକାଙ୍କୁ ଗଣଦୁଷ୍କର୍ମ କରାଯାଇଛି । ଘଟଣାରେ ୩ ଅଭିଯୁକ୍ତଙ୍କୁ ଗିରଫ କରାଯାଇଛି । ପୀଡ଼ିତା ଛାତ୍ରୀଙ୍କ ବୟସ ୧୬ ବର୍ଷ ।

ପୁଲିସ ନିକଟରେ ପୀଡ଼ିତା କରିଥିବା ଅଭିଯୋଗ ଅନୁସାରେ ସେ ବସନ୍ତ ବିହାର ଅଞ୍ଚଳରେ ଜୁଲାଇ ୬ ସନ୍ଧ୍ୟାବେଳେ ନିଜ ବନ୍ଧୁଙ୍କ ଘରୁ ଫେରୁଥିଲେ । ଏହି ସମୟରେ ଜଣେ ପୁରୁଷ ବନ୍ଧୁଙ୍କ ସହ ବଜାରରେ ଭେଟ ହୋଇଥିଲା । ସେମାନେ ଦୁଇଜଣ ଥିଲେ । କିଛି ସମୟ ବୁଲାବୁଲି ପରେ ଦୁଇ ଅଭିଯୁକ୍ତ ତୃତୀୟ ଜଣକୁ ଫୋନ କରି ଡକାଇଥିଲେ । ସେ କାର୍‌ ଧରି ଆସିଥିଲା । ଏହାପରେ ପୀଡ଼ିତା ଛାତ୍ରୀଙ୍କୁ ସେମାନେ କାର୍‌ରେ ଅପହରଣ କରିନେଇଥିଲେ । କାର ମଧ୍ୟରେ ୩ ଜଣ ମିଶି ତାଙ୍କୁ ଗଣଦୁଷ୍କର୍ମ କରିଥିଲେ । ଦୁଷ୍କର୍ମ ଦୃଶ୍ୟର ଭିଡିଓ ମଧ୍ୟ ସେମାନେ ମୋବାଇଲ ଫୋନ୍‌ରେ ଉତ୍ତୋଳନ କରିଥିଲେ ।

ଘଟଣାର ଦୁଇଦିନ ପରେ ପୁଲିସକୁ ଅବଗତ କରାଯାଇଥିଲା । ଯେଉଁ ହସ୍ପିଟାଲରେ ପୀଡ଼ିତାଙ୍କୁ ଚିକିତ୍ସା ପାଇଁ ଭର୍ତ୍ତି କରାଯାଇଥିଲା, ସେହିଠାରୁ ହିଁ ପୁଲିସକୁ ଖବର ଆସିଥିଲା । କାଉନସେଲରଙ୍କ ସହ କଥାବାର୍ତ୍ତା ବେଳେ ପୀଡ଼ିତା ଘଟଣା ବାବଦରେ କହିଥିଲେ । ଅଭିଯୁକ୍ତମାନେ ବୁଲାଇବା ବାହାନାରେ କାର୍‌ରେ ଅପହରଣ କରିନେଇଥିଲେ । ଏହାପରେ ନିର୍ଜନ ସ୍ଥାନକୁ ନେଇ ଦୁଷ୍କର୍ମ କରିଥିଲେ । ଅଭିଯୁକ୍ତମାନଙ୍କ ବୟସ ୨୩, ୨୫ ଓ ୩୫ ବର୍ଷ ହେବ