ଆସୁଛି ‘ବିଗ୍ ବସ୍ ୧୬’
ଟିଭିର ମୋଷ୍ଟ୍ ପପୁଲାର ଶୋ’ ‘ବିଗ୍ ବସ୍’ ନିଜ ବିବାଦ କାରଣରୁ ଢେର୍ ଟିଆର୍ପି ସାଉଁଟୁଛି। ଏବେ ପୁଣିଥରେ ଏହି ଶୋ’ ଆରମ୍ଭ ହେବାକୁ ଯାଉଛି। ବିଗ୍ ବସ୍ର ନୂଆ ସିଜନ ‘ବିଗ୍ ବସ୍ ୧୬’ ଖୁବ୍ଶୀଘ୍ର ଆପଣଙ୍କ ଟିଭି ପରଦାରେ ନଜର ଆସିବ। ଏହି ସିଜନରେ ପ୍ରତିଯୋଗୀମାନଙ୍କ ତାଲିକା ଜାଣିବା ପାଇଁ ଫ୍ୟାନ୍ମାନେ ଉତ୍ସାହର ସହ ଅପେକ୍ଷା କରିଛନ୍ତି।
ଏଥିସହ ସଲମାନ ଖାନ ଶୋ’ରେ ଥିବାରୁ ତାଙ୍କୁ ନେଇ ମଧ୍ୟ ବେଶ୍ ଉତ୍ସାହ ରହିଛି। ସଲମାନ ଲମ୍ବା ସମୟରୁ ବିଗ୍ ବସ୍ ଶୋ’କୁ ହୋଷ୍ଟ୍ କରି ଆସୁଛନ୍ତି ଏବଂ ପ୍ରତ୍ୟେକ ଥର ତାଙ୍କ ଫିସ୍ ଦୁଇ ଗୁଣା ହୋଇ ସାମ୍ନାକୁ ଆସୁଛି। ଆଜି ଆମେ ଆପଣଙ୍କୁ କହିବୁ, ସଲମାନ ଖାନ ଶୋ’କୁ ହୋଷ୍ଟ୍ କରିବା ପାଇଁ କେତେ ପଇସା ନେଉଛନ୍ତି। ତେବେ ଏହି ଫିସ୍ ବିଷୟରେ ଜାଣିଲେ ଆପଣଙ୍କ ହୋସ୍ ଉଡ଼ିଯିବ।
ପୁଣିଥରେ ଟିଭି ଶୋ’ ବିଗ୍ ବସ୍ରେ ସଲମାନ ନଜର ଆସିବାକୁ ଯାଉଛନ୍ତି। ରିପୋର୍ଟ ମୁତାବକ, ଅଭିନେତା ଏଥର ମୋଟ ଅର୍ଥରାଶି ଦାବି କରୁଛନ୍ତି। ସେ ଏହି ଶୋ’ ପାଇଁ ୧୦୦୦ କୋଟି ଟଙ୍କା ଡିମାଣ୍ଡ କରୁଛନ୍ତି, ଯାହାକି ଫ୍ୟାନମାନଙ୍କୁ ଆଶ୍ଚର୍ଯ୍ୟ କରି ଦେଇଛି।
Comments are closed.