ଅମିତ ଶାହାଙ୍କୁ ଭେଟିଲେ ଏକନାଥ ଓ ଦେବେନ୍ଦ୍ର ଫଡନାଭିସ

ନୂଆଦିଲ୍ଲୀ: ଚଳିତ ସପ୍ତାହର ପ୍ରାରମ୍ଭରେ ନୂଆ ସରକାର ଗଠିତ ହେବା ପରେ ମନ୍ତ୍ରୀ ପରିଷଦ୍‌ ସମ୍ପ୍ରସାରଣ ପ୍ରସଙ୍ଗରେ କଳ୍ପନାଜଳ୍ପନା ଚାଲିଥିବା ବେଳେ ଶୁକ୍ରବାର ଦିନ ମହାରାଷ୍ଟ୍ରର ମୁଖ୍ୟମନ୍ତ୍ରୀ ଏକନାଥ ସିନ୍ଦେ ଏବଂ ଉପମୁଖ୍ୟମନ୍ତ୍ରୀ ଦେବେନ୍ଦ୍ର ଫଡ଼ନବୀସ କେନ୍ଦ୍ର ଗୃହମନ୍ତ୍ରୀ ଅମିତ ଶାହଙ୍କୁ ଭେଟିଥିଲେ।

ଦିଲ୍ଲୀରେ ପହଞ୍ଚିବା କ୍ଷଣି ସିନ୍ଦେ ଓ ଫଡ଼ନବୀସ ମହାରାଷ୍ଟ୍ର ସଦନକୁ ଯାଇଥିଲେ। ନବଗଠିତ ମହାରାଷ୍ଟ୍ର ସରକାରରେ ‘ବିଜେପି’ ଏବଂ ସିନ୍ଦେଙ୍କ ନେତୃତ୍ବାଧୀନ ‘ଶିବସେନା’ଗୋଷ୍ଠୀଙ୍କ ମଧ୍ୟରେ କ୍ଷମତା ବଣ୍ଟନ ପ୍ରସଙ୍ଗକୁ କେନ୍ଦ୍ର କରି ସେମାନେ ଶାହଙ୍କ ସଙ୍ଗରେ ଆଲୋଚନା କରିଥିଲେ ବୋଲି ଦଳର କାର୍ଯ୍ୟକର୍ତ୍ତାମା‌ନେ କହିଛନ୍ତି।