ଜାଣନ୍ତୁ କଫି ପିଇବାର ସର୍ବୋତ୍ତମ ସମୟ? ନଚେତ୍ ହୋଇପାରେ କ୍ଷତିକାରକ

ପ୍ରାୟତଃ କଫି ପିଉଥିବା ଲୋକମାନେ ସଠିକ ସୟମର ଧ୍ୟାନ ରଖନ୍ତି ନାହିଁ । ଯେଉଁ କାରଣରୁ ସେମାନଙ୍କୁ ପରେ ଅନେକ ରୋଗର ସମ୍ମୁଖୀନ ହେବାକୁ ପଡିଥାଏ । ବିଶେଷଜ୍ଞଙ୍କ ଅନୁଯାୟୀ ଖାଲି ପେଟରେ କଫି ପିଇବା କ୍ଷତିକାରକ ଏବଂ ଏହା ଶରୀର ପାଇଁ ମଧ୍ୟ ବହୁତ କ୍ଷତି କରିଥାଏ ।

କଫି ପିଉଥିବା ଲୋକଙ୍କ ସଂଖ୍ୟା କ୍ରମାଗତ ଭାବେ ବୃଦ୍ଧି ପାଉଛି । ଥକାପଣରୁ ମୁକ୍ତି ପାଇଁ ଲୋକମାନେ ପ୍ରାୟତଃ ପର୍ଯ୍ୟାପ୍ତ ପରିମାଣରେ କଫି ପିଇଥାନ୍ତି । ଏକ ଅଧ୍ୟୟନ ଅନୁଯାୟୀ, କଫି ପିଇବା ଦ୍ୱାରା ଶରୀରରେ ଶକ୍ତି ରଖିଥାଏ । ତଥାପି କଫି ପିଇବାର ସମୟ ପୂର୍ବରୁ ସ୍ଥିର କରାଯିବା ଉଚିତ୍ । ଅନେକ ଲୋକଙ୍କର ଅତ୍ୟଧିକ କଫି ପିଇବାର ଅଭ୍ୟାସ ଅଛି, ଯାହାକି ଶରୀରକୁ କ୍ଷତି ପହଞ୍ଚାଇଥାଏ ।

ଅଧ୍ୟୟନ ଅନୁଯାୟୀ, ଖାଇବା ପରେ ତୁରନ୍ତ କଫି ପିଇବା ଉଚିତ୍ ନୁହେଁ । ଏହା ହଜମ ପ୍ରକ୍ରିୟାକୁ ଖରାପ କରିପାରେ । ଅନେକ ଲୋକ ଖାଇବା ପରେ ଚା କିମ୍ବା କଫି ପିଇବାର ଅଭ୍ୟାସ କରନ୍ତି, କିନ୍ତୁ ଏହା ବହୁତ ଭୁଲ ଅଭ୍ୟାସ । ଏହା ଦ୍ୱାରା ଶରୀର ଖାଦ୍ୟରେ ଥିବା ଆଇରନ ଗ୍ରହଣ କରିପାରେ ନାହିଁ ଓ ପ୍ରୋଟିନ୍ ହଜମ ହୋଇନଥାଏ ।
ଖାଲି ପେଟରେ କଫି ପିଇବା କ୍ଷତିକାରକ
ଅଧ୍ୟୟନ ଅନୁଯାୟୀ, କଠିନ ଖାଦ୍ୟ ଉପାଦାନ ଖାଇବା ପୂର୍ବରୁ କଫି ପିଇବା ଆପଣଙ୍କ ମନୋବଳକୁ ଖରାପ କରିପାରେ । ଏହା ଦ୍ୱାରା ଆପଣଙ୍କ ମନୋବଳର କ୍ରମାଗତ ପରିବର୍ତ୍ତନ ଦେଖାଯାଇପାରେ । ଅନୁସନ୍ଧାନରୁ ଜଣାପଡିଛି ଯେ ଯଦି ଆପଣ ସକାଳେ ଜଳଖିଆ ପରେ କଫି ପିଉଛନ୍ତି, ତେବେ ହଠାତ୍ ରକ୍ତରେ ଶର୍କରା ବୃଦ୍ଧି ହୁଏ ନାହିଁ । ଯେଉଁ କାରଣରୁ ଶରୀର ମଧ୍ୟ କମ୍ କ୍ଷତିଗ୍ରସ୍ତ ହୋଇଥାଏ ।

ଯଦି ଆପଣ କଫି ପିଇବାକୁ ଭଲ ପାଆନ୍ତି, ତେବେ ସକାଳେ ଜଳଖିଆ ଖାଇବା ପରେ କଫି ପିଅନ୍ତୁ । ଅନୁସନ୍ଧାନ ଅନୁଯାୟୀ, ଜଳଖିଆ ବିନା ଖାଲି ପେଟ କଫି ପିଇବା ଦ୍ୱାରା ରକ୍ତରେ ଗ୍ଲୁକୋଜର ପ୍ରତିକ୍ରିୟା ୫୦% ବୃଦ୍ଧି ପାଇଥାଏ । ଜଳଖିଆ ପରେ କଫି ପିଇବା ଦ୍ୱାରା ଆପଣଙ୍କ ସ୍ୱାସ୍ଥ୍ୟ ପ୍ରତି କିଛି ଫାଇଦା ହୋଇଥାଏ ।
ଜଳଖିଆ ପାଇଁ ଏହି ଖାଦ୍ୟ ବ୍ୟବହାର କରନ୍ତୁ

ଏକ ସୁସ୍ଥ ଜଳଖିଆ ସହିତ ଆପଣଙ୍କ ଦିନ ଆରମ୍ଭ କରନ୍ତୁ । ଯେଉଁଥିରେ ଆପଣ ଫଳ ଏବଂ ପନିପରିବା ଅନ୍ତର୍ଭୁକ୍ତ କରନ୍ତି । ପରଠା, ପୋହା, ଇଡଲି, ଡୋସା, ଇଡଲି ଏବଂ ରୋଟି କିମ୍ବା ପନିପରିବା ଖାଇ ଆପଣ ନିଜ ଦିନ ଆରମ୍ଭ କରିପାରିବେ । ଏହା ବ୍ୟତୀତ ଆପଣ ଶୁଖିଲା ଫଳ ଏବଂ ହର୍ବାଲ୍ ଚା ମଧ୍ୟ ସେବନ କରିପାରନ୍ତି ।